Gəncədə 37 yaşlı kişi zəhərlənib.
AZXEBER.COM Unikal-a istinadla xəbər verir ki, hadisə şəhərin 3-cü mikrorayonunda yerləşən binaların birində qeydə alınıb.
Belə ki, 1985-ci il təvəllüdlü Natiq Məmmədov zəhərlənmə diaqnozu ilə xəstəxanaya yerləşdirilib. Dərhal xəstəyə lazımi tibbi yardım göstərilib, vəziyyətinin ağır olduğu bildirilir.
Məlumata görə, 37 yaşlı kişi təmizləyici vasitə içib. N.Məmmədovun hansı səbəbdən özünü zəhərləməsi məlum deyil.
Faktla bağlı araşdırma aparılır.
