“İrəli” Tədqiqatlar və İnnovasiya Mərkəzinin rəhbəri Murad Ağabəyli və “İrəli” İnformasiya Texnologiyaları Mərkəzinin meneceri Rüstəm Həsənov Gəncədə “İrəli”çilər ilə görüşüb.
AZXEBER.COM xəbər verir ki, 70 nəfərə yaxın gəncin iştirakı ilə baş tutan görüş təlimlərlə start götürüb.İştirakçılara “PR” daha sonra “Sosial şəbəkələr” mövzusunda təlim keçirilib. İştirakçıları maraqlandıran suallara cavab verilib, müzakirələr aparılıb.Təlimlərin ardınca Gəncə şəhərində təmizlik aksiyası keçirilib. 50 nəfərə yaxın gəncin iştirakı ilə baş tutan aksiyada geniş ərazi təmizlənib. Həmçinin iştirakçılarla Gəncə şəhərinə gəzinti təşkil olunub.Qeyd edək ki, bu səpkidə görüşlərin və aksiyaların mütəmadi olaraq keçirilməsi nəzərdə tutulur.
