Gəncədə son vəziyyət necədir? - Rəsmi açıqlama

Gəncədə son vəziyyət necədir? - Rəsmi açıqlama
SOSİAL
10:40 12.10.2020
1249
Ötən gecədən etibarən Gəncə şəhərində vəziyyət stabilləşib.

Bu barədə AZXEBER.COM-a Gəncə şəhər İcra hakimiyyətindən məlumat verilib.

Məlumatda bildirilir ki, şəhərə gecə ərzində atəş açılmayıb: "Hazırda şəhərdə vəziyyət normaldır, sakitlikdir. Əhali arasında heç bir panika yoxdur, insanlar gündəlik işləri ilə məşğuldur. Şəhər ərazisində ictimai nəqliyyat da işini davam etdirir".

Qeyd edək ki, Ermənistan silahlı qüvvələrinin 11.10.2020-ci il tarixdə gecə saat 02 radələrində Gəncənin mərkəzi hissəsində yerləşən çox mənzilli yaşayış binalarını raket atəşinə tutması nəticəsində 4 qadın olmaqla 9 nəfər həlak olub.

16 qadın, 6 azyaşlı olmaqla 34 nəfər yaralanıb, həmçinin 10-dan artıq çoxmənzilli binaya və 100-dən çox müxtəlif təyinatlı obyektlərə ziyan dəyib.
OXŞAR XƏBƏRLƏR