Bu il Gəncədən istirahət etmək üçün Türkiyəyə gedən vətəndaşların sayı artıb.  

Bu barədə məlumatı Gəncə Regional Turizm İnformasiya Mərkəzinin direktoru Cumalik Rəhimov verib. Onun sözlərinə görə, ötən il Gəncədən daha çox istirahət məqsədi ilə Gürcüstana axın olsa da bu il gəncəlilər Türkiyədə dincəlməyi üstün tutublar: “Ötən il Gürcüstanda qiymətlər ucuz idi. Ona görə də vətəndaşlar ora getməyi üstün tuturdular. Amma bu il orada qiymətlər qalxdı, amma Türkiyədə ucuzluq yarandı. Ona görə də şəhər sakinlərimiz Türkiyəyə getməyi üstün tutdular”. 

C.Rəhimov qeyd edib ki, Gəncədə yay fəslində istirahət edənlərin 70 faizi yerli, 30 faizi isə xarici istirahət mərkəzlərinə üz tutur. Müsahib bildirdi ki, ölkə daxilində istirahət üçün gəncəlilər Hacıkənd, Gədəbəy, Daşkəsən və Nabran kimi yerlərə gedirlər. Xarici ölkələrdən isə Türkiyə birinci, Gürcüstan isə ikinci yerdə yerləşir.