Bakı–Ağstafa–Bakı marşrutu üzrə reyslərin sayının iki dəfəyədək artırılması rəsmi olaraq təsdiqlənib.
AZXEBER.COM xəbər verir ki, ADY iyun ayının 14-dən yeni FLIRT markalı qatarlarını Bakı–Ağstafa–Bakı marşrutu üzrə sərnişinlərin istifadəsinə verir.
Müasir və komfortlu bu sürətli qatarlar ilk dəfə olaraq Ləki və Ucar stansiyalarında da dayanacaq.
Bununla da həmin ərazilərdə yaşayan daha 200 minə yaxın vətəndaşın müasir "Stadler” qatarlarından istifadə etməklə səfərlərini rahat və təhlükəsiz təşkil edə bilməsi üçün imkan yaranır.
Həmçinin yeni qrafikdə Bakı–Ağstafa–Bakı marşrutu üzrə reyslərin sayını iki dəfəyədək artırılıb.
Belə ki, sürətli qatarlar artıq hər gün səhər və axşam saatlarında həm Bakıdan, həm də Ağstafadan hərəkət edəcək. Bu da xətt üzrə təkcə Bakı şəhərindən Qərb istiqamətində gedən sərnişinlərin yox, eyni zamanda əks istiqamətdən Bakı şəhərinə gələn sərnişinlərin rahatlığını təmin etmiş olacaq.
Əlavə məlumat üçün qeyd edək ki, Gəncə şəhərindən olan millət vəkili Naqif Həmzəyev bu xəbərlə əlaqədar fikirlərini sosial şəbəkədə bölüşüb və bu sözləri qeyd edib:
"Sərnişindaşımadakı bu yeni dövr münasibətilə ADY-ni, yeni qatarlardan istifadə edəcək hər kəsi və xüsusilə də Gəncəliləri təbrik edir, uğurlu səfərlər arzulayıram".
