Sağlam Gəncliyə Doğru İctimai Birliyi növbəti layihəsini həyata keçirib.
AZXEBER.COM xəbər verir ki, Sağlam Gəncliyə Doğru İctimai Birliyi 19-21 iyul 2014-cü il tarixlərində Azərbaycan Respublikasının Prezidenti yanında Gənclər Fondunun maliyyə dəstəyi ilə Bakı şəhərində “Gənclərin Fərdi İnkişaf düşərgəsi” adlı layihəsini həyata keçirib.3 gün ərzində baş tutmuş layihədə iştirakçılara məqsədlərin təyin olunması, motivasiya (Self-motivation), zamanın səmərəli idarə edilməsi, bədən dili, problem həlli və qərar vermə kimi mövzularında təlimlər keçirilib.Layihə çərçivəsində iştirakçıların müxtəlif sahələrdə uğur qazanmış gənclərlə görüşləri də təşkil olunub.Təşkilatın sədri Turqay Həsənəliyevin verdiyi məlumata əsasən layihədə məqsəd 14-29 yaş arası region gənclərinin göstərilən sahələrdə inkişafına təkan vermək olub.
