“Gənclərin partiyadan istefasına təəssüflənirəm” - Arif Hacılı

Müsavat Partiyasının başqanı Arif Hacılı partiyanın üzvü olan 9 gəncin istefasına münasibət bildirib.A. Hacılı istefadan təəssüfləndiyini bildirib: “Müsavat Partiyasının hər bir üzvü bizim üçün əzizdir. Mən onların bu addımını yanlış hesab edirəm. Səbəbindən asılı olmayaraq, gənclərin partiyadan çıxmaq barədə bəyanat verməsinə çox təəssüf edirəm”.Qeyd edək ki, istefalar qurultaydakı seçkilərin nəticələri, eləcə də Arif Hacılının tərəfdarlarının “Facebook”da yaratdıqları gizli qrupda Qubad İbadoğlu tərəfdarlarının ünvanına təhqirlər söyləməsinin üzə çıxması ilə əlaqədardır.//APA