Goranboyda qayınata gəlininə əl qumbarası atıb.
AZXEBER.COM xəbər verir ki bu barədə APA məlumat yayıb.
Məlumata görə, hadisə rayonun Qarasüleymanlı kəndində qeydə alınıb.
Kənd sakini 1957-ci il təvəllüdlü Namazov Zakir Mayıl oğlu gəlini 1986-cı il təvəllüdlü Aslanova Vəfa Şükür qızı ilə ailə münaqişəsi zəminində mübahisə edib və ona doğru əl qumbarası atıb.
Zərərçəkmiş şəxs xəstəxanaya yerləşdirib, vəziyyəti qənaətbəxşdir.
Zakir Namazov iş üzrə şübhəli şəxs qismində saxlanılıb.
Faktla bağlı Goranboy Rayon Prokurorluğunda araşdırma aparılır.
