İşğaldan azad edilmiş ərazilərdə tarixi-dini abidələrin bərpası istiqamətində işlər davam etdirilir. İlk bərpa olunan abidələr arasında məhz məscidlər xüsusi yer tutur.
AZXEBER.COM xəbər verir ki, bu sözləri Dini Qurumlarla İş üzrə Dövlət Komitəsinin sədr müavini Gündüz İsmayılov bu barədə "Tarixi-dini abidələrin qorunması: çağırışlar və perspektivlər” mövzusunda keçirilən konfrans çərçivəsində jurnalistlərə açıqlamasında danışıb.
O bildirib ki, Prezident İlham Əliyevin təşəbbüsü ilə işğaldan azad edilmiş ərazilərdə tarixi-dini abidələrin bərpasına xüsusi diqqət yetirilir:
"Prezident İlham Əliyevin təşəbbüsü ilə işğaldan azad edilmiş ərazilərdə tarixi-dini abidələrin bərpasına xüsusi diqqət yetirilir. İşğaldan azad edilmiş ərazilərdə ilk təmir olunan tarixi-dini abidələr məhz məscidlərdir. Bu da təsadüfi deyil. Çünki tarixi-dini abidələr ibadət evi və tarixi abidə olmaqla yanaşı, Azərbaycan xalqının mənəvi və tarixi yaddaşını özündə əks etdirir”.
Onun sözlərinə görə, Azərbaycanda yüzlərlə tarixi-dini abidə təyinatı üzrə məscid, kilsə və sinaqoq kimi fəaliyyət göstərir:
"Tarixi-dini abidələr Azərbaycana xas məzhəblərarası birlik, dinlərarası dialoq və multikultural dəyərlərin təbliği baxımından da mühüm əhəmiyyət daşıyır. Hazırda Azərbaycanda yüzlərlə tarixi-dini abidə təyinatı üzrə məscid, kilsə və sinaqoq kimi fəaliyyət göstərir. Bu abidələrin nəzdində dini icmalar da fəaliyyət göstərir. Tarixi-dini abidələrin qorunması, təmiri və bərpası, onların gələcək nəsillərə çatdırılması, həmçinin bu prosesdə dini icmaların və din xadimlərinin rolunun artırılması konfransın əsas müzakirə mövzularındandır”.
Şahanə
