Amerikada yaşayan aparıcı Günel Hümbətova evlənib. AZXEBER.COM-un məlumatına görə, bu barədə şəxsi “facebook” hesabında yazan aparıcı, çox xoşbəxt olduğunu bildirərək, efirlərdən birdəfəlik uzaqlaşdığını da qeyd edib
‘Yeni ilin ilk günü gözümü ailəli kimi açdım. Əsas keçirtdiyim hislərdir – Xoşbəxtəm! Ailə qurmağa heç vaxt tələsməmişəm, hətda çox gec ailə quracağımı deyirdim. Amma qismət. Qismətə bu dəfə daha çox inandım. Və rəsmi olaraq dünya evinə sadə formada elə sözün açığı həmişə arzuladığım kimi, hər zaman arzuladığım yerdə daxil oldum. Dostluğumda olan subay qızlara və oğlanlara isə ərə getməyi və evlənməyi deyil, ailə qurmağ arzu edirəm. O ki qaldı efir filan. Soruşanların sualını elə burdan cavablandırıram. Mən efirlə çoxdan vidalaşmışam. Efirlərimizi elə uzaqdan ailəmlə birlikdə izləmək daha maraqlı olacaq. Yeni iliniz bir daha mübarək’.
Toy dekabrın 31-i ABŞ-da baş tutub. Günelin həyat yoldaşının adı Firuz Soliyevdir.
Xatırladaq ki, Günel Hümbətov Azərbaycanın ən cazibədar aparıcılarından biri kimi tanınırdı. O, artıq bir neçə aydır ki, Azərbaycanı tərk edərək ABŞ-a yerləşmişdi.
