Günəş şüaları (xüsusilə ultrabənövşəyi – UV şüalar) dərini, gözləri və ümumi sağlamlığı zədələyə bilər. Ona görə də düzgün qorunma vacibdir.
AZXEBER.COM günəş şüalarından qorunmağın yollarını təqdim edir:
1. Günəş kremi istifadə edin
SPF 30 və ya daha yüksək qoruyucu kremləri açıq dəridə mütləq istifadə edin. Hər 2–3 saatdan bir yeniləmək lazımdır.
2. Günəşin güclü olduğu saatlardan uzaq durun
Saat 11:00–16:00 arası günəş şüaları ən güclü olur. Mümkünsə bu vaxtlarda birbaşa günəş altında qalmayın.
3. Papaq və eynək taxın
Enli kənarlı papaq üz və boynu qoruyur. UV filtrli gün eynəyi isə gözləri zədələnmədən saxlayır.
4. Kölgədə qalmağa çalışın
Açıq havada olarkən mümkün qədər kölgəlik yerləri seçin.
5. Yüngül və örtücü geyimlər geyinin
Açıq rəngli, nəfəs alan və dərini örtən paltarlar günəşdən qorunmağa kömək edir.
6. Su için
Günəşdə bədən daha tez susuzlaşır, buna görə kifayət qədər su içmək vacibdir.
Şahanə
