Gürcüstan parlamenti: 'Qondarma erməni soyqırımını tanımaq real deyil'
DÜNYA
12:17 19.04.2013
1478
"Gürcüstan parlamenti qondarma erməni soyqırımı haqda qanun layihəsini qəbul etməyi düşünmür".AZXEBER.COM-un məlumatına görə, bu, Gürcüstanda yaşayan və ermənilərin maraqlarına xidmət edən bir sıra təşkilatların birgə toplaşaraq gürcü parlamentinə müraciətinə cavab olaraq verilib.Gürcüstan parlament çoxluğunun liderlərindən biri Levan Berdzenişvili bildirib ki, bu məsələ ilə bağlı Ermənistanın Gürcüstana qarşı heç bir iddiası ola bilməz: "Bu hadisələr baş verəndə Gürcüstan özünü layiqli qonşu kimi aparıb. Biz onlara sığınacaq verdik və baş verənlərə öz münasibətimizi bildirdik. Siyasi planda bundan artığını tələb etmək düzgün deyil. "Soyqırım"ın siyasi tanınması real deyil və bu heç bir halda baş verməyəcək".
