Gürcüstanın keçmiş baş naziri Giorgi Qaxariyanın partiyasının təqdimat mərasimi mayın 29-da keçiriləcək.
AZXEBER.COM xəbər verir ki, bu barədə yerli mətbuat yazıb.
Bildirilib ki, tədbir sabah – Gürcüstanın Müstəqillik gününə təyin olunsa da, daha sonra tarix dəyişdirilib. Siyasi təşkilatın adının "Gürcüstan üçün birləşək” olacağı gözlənilir.
Qeyd edək ki, G.Qaxariya 2019-cu ilin sentyabrından bu ilin fevralın 18-dək Gürcüstanın baş naziri olub. İstefadan sonra o, siyasətdən getməyə hazırlaşmadığını bildirib.
