Güzəştli mənzilləri bu şəxslər alacaq - SİYAHI

Güzəştli mənzilləri bu şəxslər alacaq - SİYAHI
SOSİAL
17:21 07.03.2017
1256

 

Ölkə başçısının "Azərbaycan Respublikasının Prezidenti yanında Mənzil İnşaatı Dövlət Agentliyinin fəaliyyəti ilə bağlı bəzi məsələlər haqqında” 16 noyabr 2016-cı il tarixli Fərmanına əsasən "Güzəştli mənzil” elektron sisteminin yaradılması və mayın 1-dən  etibarən istifadəyə verilməsi nəzərdə tutulur.

MİDA-nın mətbuat xidmətindən verilən məlumata görə, "Güzəştli mənzil” sistemi – elektron qaydada göstərilən dövlət xidmətlərini genişləndirmək məqsədilə Agentliyin tabeliyində fəaliyyət göstərən "MİDA” Məhdud Məsuliyyətli Cəmiyyətinin sərəncamında olan mənzilləri vətəndaşların güzəştlə əldə etməsi prosesində müraciətlərin qəbulunda və mənzil seçimində vətəndaşların rahatlığını, habelə şəffaflığı və insan faktorunun minimuma endirilməsini təmin edəcək elektron sistemdir.

"Güzəştli mənzil” elektron sistemi fəaliyyətə başlayanadək vətəndaşların rahatlığını təmin etmək məqsədilə sistemin əsas prinsipləri barədə məlumatlandırılma və sualların cavablandırılması işi 10 mart tarixindən etibarən müvafiq "ASAN xidmət” mərkəzlərində (Bakı şəhərində yerləşən 1, 3 və 5 saylı, habelə Sumqayıt "ASAN xidmət” mərkəzlərində) təşkil olunacaq. Vətəndaşlara bu əlavə xidmət Mənzil İnşaatı Dövlət Agentliyinin və tabeliyində fəaliyyət göstərən "MİDA” MMC-nin internet səhifələri (www.mida.gov.azwww.mida.az), habelə "Facebook” və "YouTube” sosial şəbəkələrində müvafiq səhifələri vasitəsilə aparılan məlumatlandırılma işi ilə paralel həyata keçiriləcək.

Bakı şəhərində yerləşən 1, 3 və 5 saylı "ASAN xidmət” mərkəzlərində, habelə Sumqayıt "ASAN xidmət” mərkəzində güzəştlə mənzil əldə etmək hüququna malik olan şəxslərin kateqoriyaları, "Güzəştli mənzil” elektron sistemi və mövzu ilə əlaqədar digər məsələlərlə bağlı vətəndaşları maraqlandıran suallar cavablandırılacaq.

Bununla yanaşı "ASAN xidmət”in "Çağrı” mərkəzi vasitəsilə də vətəndaşlara xidmət göstəriləcək. Onlar "ASAN xidmət” mərkəzlərinə gəlmədən ölkənin istənilən regionundan stasionar telefonlardan ödənişsiz "108” nömrəsinə zəng edərək suallarına  cavab tapa biləcəklər.

Bildirək ki, hazırda "Güzəştli mənzil” elektron sisteminin əsasnaməsinin hazırlanması istiqamətində işlər davam etdirilir. "MİDA” MMC-nin sərəncamında olan mənzillərin güzəştlə əldə edilməsini təmin etmək məqsədilə 1 may 2017-ci il tarixindən etibarən "Elektron hökumət” portalında (www.e-gov.az) çalışacaq "Güzəştli mənzil” sistemi 2 pilləli olacaq:

1-ci mərhələdə sözügedən elektron sistem vətəndaşın müraciətinin qeydiyyata alınmasını, onun müvafiq kateqoriyaya aid olduğu təsdiqləndikdə vətəndaşın şəxsi elektron kabinetininin yaradılmasını təmin edəcək. Elektron kabinetə sahib olmuş vətəndaş güzəştli mənzil almaq hüququnu əldə edir.

2-ci mərhələdə vətəndaş satışa çıxarılan mənzillər barədə KİV-də tanış ola biləcək elanlarla yanaşı, şəxsi elektron kabineti vasitəsilə də bildirişlər alacaq, mənzillərin yerləşdiyi yaşayış kompleksi, binalar və mənzillərin interyeri ilə virtual tanış olmaq və seçim etmək imkanını əldə edəcək. 

Mayın 1-də "Güzəştli mənzil” sistemi fəaliyyətə başladıqdan sonra "MİDA” MMC-nin nümayəndələri həmin "ASAN xidmət” mərkəzlərində müvafiq kateqoriyalara aid vətəndaşlara şəxsi elektron kabinetin yaradılması ilə bağlı informasiya dəstəyi göstərəcəklər. 

Xatırladaq ki, dövlət başçısının müvafiq fərmanı ilə təsdiq olunmuş Qaydaya əsasən aşağıdakı kateqoriyalara aid olan şəxslər güzəştli mənzil əldə etmək hüququna malikdirlər.

Gənc ailənin üzvü olan aşağıdakı şəxslər:

1)    şəhid ailəsinin üzvü (əri/arvadı, övladları);

2)    Milli Qəhrəman (özü, əri/arvadı, övladları);

3)    məcburi köçkün və ya ona bərabər tutulan şəxs;

4)    ən azı 3 il dövlət qulluğunda qulluq edən, o cümlədən dövlət qulluğunun xüsusi növündə xidmət keçən şəxs;

5)    ən azı 5 il dövlət ümumtəhsil məktəbində müəllim işləyən şəxs;

6)    fəlsəfə doktoru elmi dərəcəsi olan şəxs;

7)    idman sahəsində xüsusi xidmətləri olan şəxs (fəxri bədən tərbiyəsi və idman xadimi, ölkə miqyaslı yarışların qalibi (I yer), beynəlxalq miqyaslı yarışların mükafatçısı (I, II və ya III yer);

Bununla yanaşı, yaşından və ailə vəziyyətindən asılı olmayaraq, aşağıdakı şəxslər də güzəştli mənzil əldə etmək hüququna malikdirlər:

1)    elmlər doktoru elmi dərəcəsi olan şəxs;

2)    ən azı 15 il dövlət qulluğunda qulluq edən şəxs;

3)    ən azı 3 il hərbi xidmətdə olan (müddətli həqiqi hərbi xidmətdə olan hərbi qulluqçulardan başqa), həmçinin ehtiyata və istefaya buraxılmış Azərbaycan Respublikasının hərbi qulluqçuları ("Hərbi vəzifə və hərbi xidmət haqqında” Azərbaycan Respublikası Qanununun 41.0.6-cı, 41.0.7-ci, 41.0.8-ci, 41.0.10-cu, 42.0.3-cü, 42.0.4-cü və 42.0.5-ci maddələrində nəzərdə tutulan hallarda ehtiyata və ya istefaya buraxılmış hərbi qulluqçular istisna olmaqla);

4)    ən azı 3 il daxili işlər orqanlarında xidmət keçən xüsusi rütbəsi olan şəxs.

///lent.az
OXŞAR XƏBƏRLƏR
ƏN SON XƏBƏRLƏR
MİQ üzrə vakansiya seçimi mərhələsinin nəticələri elan edilib
15:29 12.08.2025
MİQ üzrə vakansiya seçimi mərhələsinin nəticələri elan edilib
Qarabağ Universiteti 7-ci Türkoloji Yay Məktəbinə ev sahibliyi edir - FOTOLAR
15:21 12.08.2025
Qarabağ Universiteti 7-ci Türkoloji Yay Məktəbinə ev sahibliyi edir - FOTOLAR
"Muğam" müsabiqəsinin finalı Laçında keçiriləcək
15:16 12.08.2025
"Muğam" müsabiqəsinin finalı Laçında keçiriləcək
Azərbaycanda problemli kreditlərin yarıdan çoxu Beynəlxalq Bankın payına düşür
15:11 12.08.2025
Azərbaycanda problemli kreditlərin yarıdan çoxu Beynəlxalq Bankın payına düşür
İki mindən artıq müəllim sertifikasiya imtahanında keçid balını toplamadı
15:04 12.08.2025
İki mindən artıq müəllim sertifikasiya imtahanında keçid balını toplamadı
İndoneziyada vulkan püskürdü, ardınca da zəlzələ oldu
14:45 12.08.2025
İndoneziyada vulkan püskürdü, ardınca da zəlzələ oldu
Leysan Məmmədov barəsində yayılan xəbərlərdən danışmaq istəmədi
14:38 12.08.2025
Leysan Məmmədov barəsində yayılan xəbərlərdən danışmaq istəmədi
Astroloq: Bu gündən etibarən Merkuri retrosu bitdi
14:34 12.08.2025
Astroloq: Bu gündən etibarən Merkuri retrosu bitdi
Ukrayna Rusiyanın helium müəssisəsini vurdu - Raket və kosmik sənayesi iflic ola bilər
14:21 12.08.2025
Ukrayna Rusiyanın helium müəssisəsini vurdu - Raket və kosmik sənayesi iflic ola bilər
75 minə yaxın müəllim əməkhaqlarını əlavələrlə alacaq
14:14 12.08.2025
75 minə yaxın müəllim əməkhaqlarını əlavələrlə alacaq
Müəllimlərin sertifikasiyasının müsahibə mərhələsinin keçiriləcəyi tarix məlum olub
14:07 12.08.2025
Müəllimlərin sertifikasiyasının müsahibə mərhələsinin keçiriləcəyi tarix məlum olub
Bu ölkədə inək peyinindən yanacaq istehsal ediləcək
14:04 12.08.2025
Bu ölkədə inək peyinindən yanacaq istehsal ediləcək
Tərbiyəçi-müəllimlərin işə qəbuluna start verilir
14:01 12.08.2025
Tərbiyəçi-müəllimlərin işə qəbuluna start verilir
"İnfoschool" bloger məktəbinin iştirakçıları "AnewZ" televiziyasında - FOTOLAR
14:00 12.08.2025
"İnfoschool" bloger məktəbinin iştirakçıları "AnewZ" televiziyasında - FOTOLAR
İlqar Muradov ad gününü səhnədə onunla qeyd edəcək
13:59 12.08.2025
İlqar Muradov ad gününü səhnədə onunla qeyd edəcək
14 yaşlı qız qarın ağrısı ilə həkimə müraciət etdi - Mədəsindən çıxanlar həkimləri şoka saldı
13:46 12.08.2025
14 yaşlı qız qarın ağrısı ilə həkimə müraciət etdi - Mədəsindən çıxanlar həkimləri şoka saldı