Göyçaylı gənclərə təlim keçirildi

GƏNCLİK

13:15 21.10.2012

1814

“Gənclərin peşə təhsili və ixtisaslarla bağlı maarifləndirilməsi” adlı layihəsinin təlimi Göyçay rayonunda davam etdirildiAzərbaycan Respublikasını Gənclər və İdman Nazirliyi yanında Gənclər Fondunun maliyyə dəstəyi ilə “Türkiyə Universitetləri Məzunları” İctimai Birliyi (TUMİB) “Gənclərin peşə təhsili və ixtisaslarla bağlı maarifləndirilməsi” adlı layihənin təlimi bu gün Oktyabr tarixində Göyçay şəhərində Heydər Əliyev Muzeyində davam etdirildi. Tədbirdə “Türkiyə Universitetləri Məzunları” İctimai Birliyinin sədri Çingiz Bayramov çıxış edərək, gənclərin düzgün peşə seçim etməsi həm özləri, həmdə dövlətimizin iqtisadi cəhətdən daha da güclü inkşafı üçün çox vacib olduğunu vurğuladı.

Daha sonra tədbirdə Göyçay rayon İcra Hakimiyyətinin başçısının müavini xanım Rəşxəndə Rəcəbova çıxış edərək təlimdə iştirak edənləri gələcək həyatları ilə bağlı peşə seçimində sevdikləri peşəyə yiyələnməyə səslədi. Natiqlər öz çıxışında Azərbaycanda gənclərlə bağlı dövlət proqramları haqqında danışaraq dövlət başçısının gənclərə xüsusi diqqət və qayğısından bəhs etdilər. Daha sonra “Türkiyə Universitetləri Məzunları” İctimai Birliyinin (TUMİB) “Gənclər Mərkəzi”nin üzvü və layihə təlimçisi Məmmədova Gülnar və bu mərkəzin üzvü İsmaılova Aysel çıxış edərək gənclərə layihə haqqında ətraflı məlumat verdilər. Tədbirdə gənclərin gələcək ixtisas seçimi ilə bağlı sosioloji sorğu keçirildi və təlimdə iştirak edən gənclər TUMİB-in diplomu ilə təltif edildi. Tədbirdə Göyçay rayon Təhsil, Gənclər və İdman idarələrinin nümayəndələri, orta məktəb şagirdləri, orta məktəb məzunları ilə yanaşı qht təmsilçiləri və orta məktəb müəllimləri iştirak edirdi.