"Azərbaycan ictimaiyyətinə, xalqına böyük itki üz verdi. Dövlətimizin inkişafı, əhalinin imkanlarının genişlənməsi üçün böyük zəhmətlər çəkmiş, ölkənin sosial sahəsində qanunvericilik bazasının yaradılmasında müstəsna xidmətləri olmuş professor, əziz dostumuz Hadı Rəcəblinin ölüm xəbəri hamımızı sarsıtdı".
Bu sözləri AZXEBER.COM-a açıqlamasında Milli Məclisinin deputatı Ziyad Səmədzadə bu gün vəfat edən mərhum sabiq deputat Hadı Rəcəblidən danışarkən deyib.
Deputat qeyd edib ki, Hadı Rəcəbli yüksək vəzifələrdə çalışsa da, həmişə xalqın yanında olub:
"Mən çox təəssüf hissi ilə bildirirəm ki, bizim onunla yarıməsrlik bir dostluğumuz, əməkdaşlığımız var idi. Biz həm Sovet dövründə, həm də müasir dövrdə bir yerdə çalışmışıq. Dəfələrlə onunla maraqlı söhbətlərimiz olub. O, həqiqətən də Vətəninə böyük sevgiylə xidmət edən bir ziyalı idi. Uzun illər Milli Məclisinin deputatı kimi fəaliyyət göstərib. Yüksək vəzifələrdə çalışıb, amma həmişə xalqın yanında olub. Allah ona rəhmət etsin. Ruhu şad olsun".
Günel Hüseynli
Fərid Faiqoğlu
