Prezident İlham Əliyev Hafiz Mir Cəlal oğlu Paşayevin "ADA" Universitetinin rektoru təyin edilməsi haqqında sərəncam imzalayıb. AZXEBER.COM saytı xəbər verir ki, prezidentin fərmanı ilə universitetin nizamnaməsi də təsdiq olunub. Fərmanda “ADA” Universitetinin fəaliyyət istiqamətlərinə uyğun olaraq informasiya texnologiyaları və mühəndislik üzrə tədrisin təşkili üçün bina tikilməsi, müasir təhsil infrastrukturunun və maddi-texniki bazanın təmin edilməsi, universitet nəzdində eksperimental tipli məktəbəqədər və ümumi təhsil müəssisələrinin təşkili üçün bina tikilməsi, müasir təhsil infrastrukturunun və maddi-texniki bazanın təmin edilməsi də öz əksini tapıb.
“ADA” Universiteti prezidentin 13 yanvar 2014-cü il tarixli sərəncamı ilə Azərbaycan Respublikası Xarici İşlər Nazirliyinin Diplomatik Akademiyasının və İnformasiya Texnologiyaları Universitetinin əsasında yaradılıb.
