Türkiyənin xarici işlər naziri Hakan Fidan G20 Xarici İşlər Nazirləri Toplantısında Qəzzadakı vəhşiliyə ən qısa zamanda son qoyulmalı olduğunu vurğulayıb.
AZXEBER.COM xarici mediaya istinadən xəbər verir ki, o, beynəlxalq ictimaiyyəti və G20-ni daha fəal rol oynamağa dəvət edib. O, tərəfləri atəşkəsəü çağırıb.
Braziliyanın Rio-de-Janeyro şəhərində keçirilən G20 Xarici İşlər Nazirləri Toplantısında çıxış edən Türkiyənin xarici işlər naziri Hakan Fidan Qəzza zolağında vəhşiliyə tez bir zamanda son qoyulmalı olduğunu bəyan edərək, beynəlxalq ictimaiyyəti və G20-ni daha aktiv fəaliyyət göstərməyə çağırıb.
Eyni zamanda Ukraynadakı müharibənin ikinci ilinin arxada qaldığını xatırladan Hakan Fidan Türkiyənin tərəflərin diplomatiyaya üz tutaraq danışıqlar yolu ilə həllə nail olacağına ümid etdiyini və bu istiqamətdə təşəbbüslərini davam etdirəcəyini bildirib.
Ayşən
