Türkiyənin xarici işlər naziri Hakan Fidan İsrail-Fələstin müharibəsi ilə bağlı mühüm açıqlamalar verib.
AZXEBER.COM Türkiyə mediasına istinadən xəbər verir ki, oktyabrın 7-də HƏMAS-ın hərbi qanadı tərəfindən həyata keçirilən "Əqsa tufanı” əməliyyatından sonra İsrailin Qəzzanı bombalaması davam edir.
İsraillə HƏMAS arasında gərginlik davam edərkən, Yaxın Şərqdə də gərginlik artıb. Türkiyənin xarici işlər naziri Hakan Fidan qatıldığı "TRT haber” verilişində problemin həlli ilə bağlı açıqlamalar verib.
Qarşıda iki yol olduğunu bildirən Hakan Fidan deyib:
"Ya bir-birinin ardınca daha böyük müharibələr olacaq, ya da bu müharibə sülhlə bitəcək. Biz ikinci yolu seçmək üçün səylərimizi ortaya qoyuruq. Sülh olmazsa, bizi bölgədə daimi müharibə gözləyir”.
Ayşən
