"Halef: Köklerin Çağrısı” serialının baş rol simaları bəlli olub.
AZXEBER.COM Türkiyə mətbuatına istinadən xəbər verir ki, "NOW" ekranlarında tamaşaçı ilə görüşəcək iddialı yeni sezon serialı "Halef: Köklərin Çağrısı"nın baş rol ifaçıları İlhan Şen, Aybüke Pusat və Biran Damla Yılmaz olaraq müəyyənləşib.
Üç güclü aktyor Urfada çəkiləcək epik hekayə üçün bir araya gəlməyə hazırlaşırlar.
İyulda çəkilişlərə başlanacaq serialın ssenarisinə əsasən taleyinə meydan oxuyan müvəffəqiyyətli bir cərrah olan Serhat sevdiyi qadın Mələklə gizlicə evlənir. Lakin o, tezliklə Urfaya qayıtmaq məcburiyyətində qalır və bölgədə köklü iki ailə arasında yaranan qan davası səbəbindən Yıldızla dini nikah bağlamaq məcburiyyətində qalır.
Cərrahikən ağaya çevrilən Serhatın gücü və sevgisi böyük sınaqdan keçəcək. Mələyin Urfaya gəlişi ilə Serhat iki qadının ailəsindən və keçmişindən gələn sirlərlə üzləşmək məcburiyyətində qalacaq.
Güclü aktyor heyəti, diqqət çəkən hekayəsi və göz oxşayan görüntüləri ilə "Halef: Köklerin Çağrısı" yeni mövsümün ən çox danışılan seriallarından biri olmağa hazırlaşır. Maraqla gözlənilən serial yeni sezonda "NOW"da ekrana gələcək.
Aysel
