Şirkətin məlumatına görə, xəbərdarlıqlar cihazları hədəf alan mürəkkəb və yüksək maliyyə imkanlarına malik casus proqram hücumlarına məruz qalma ehtimalı olan istifadəçilərə göndəriləcək.
Apple bu tip hücumların adi kiberhücumlardan fərqləndiyini və aşkarlanmasının olduqca çətin olduğunu bildirir. Belə hücumların əsasən jurnalistlər, siyasətçilər, hüquq müdafiəçiləri, fəallar və diplomatlar kimi xüsusi qrupları hədəf aldığı qeyd olunur.
Apple xəbərdarlıq alan istifadəçilərə iPhone-un əməliyyat sistemini dərhal yeniləməyi və cihazın təhlükəsizlik imkanlarından maksimum istifadə etməyi tövsiyə edir.
Şirkət həmçinin bildirir ki, belə bildiriş alan istifadəçilər bunu ciddi qəbul etməli və təhlükəsizlik tədbirlərini gecikdirməməlidirlər.
/Musavat.com
