2026/2027-ci tədris ili üzrə 500 azərbaycanlı gənc Dövlət Proqramı çərçivəsində dünyanın nüfuzlu ali təhsil müəssisələrində təhsil almaq hüququ qazanıb.
Bu barədə AZXEBER.COM-un sorğusuna cavab olaraq Elm və Təhsil Nazirliyindən bildirilib.
Proqram iştirakçıları arasında dünyanın aparıcı universitetlərinə qəbul olunan azərbaycanlı gənclər də var.
Belə ki, bu il 3 azərbaycanlı tələbə Harvard Universitetində, 7 tələbə Oksford Universitetində, 3 tələbə isə Stanford Universitetində təhsil alacaq.
Ümumilikdə isə dünyanın ən nüfuzlu ali məktəbləri sırasında yer alan bu üç universitetdə 13 azərbaycanlı gənc Dövlət Proqramı çərçivəsində təhsilini davam etdirəcək. Onlardan 11-i magistratura, 2-si isə doktorantura səviyyəsində oxuyacaq.
Qeyd edək ki, Dövlət Proqramı Azərbaycan vətəndaşlarının dünyanın aparıcı ali məktəblərində ixtisaslaşmasına imkan yaradan əsas dövlət layihələrindən biridir.
Fəridə Əsədzadə
