Milyonçu qadın az qala həftədə bir kişi dəyişməyi normal sayırdı.
Britaniyanın ən məşhur milyonçularından biri, tanınmış qlamur xanım Hizer Mettyus istirahətini İbisada, gecə barlarında və kafelərdə, dansinq-pollarda və diskotekalarda keçirirdi.
AZXEBER.COM ANS PRESS-ə istinadən xəbər verir ki, o, az qala həftədə bir kişi dəyişməyi normal sayırdı.
İndi isə o, həyatını tam dəyişib. Çünki o, İslamı qəbul edəndən sonra başına hicab bağlayıb və mömin həyat tərzi sürməyə başlayıb. İki uşaq anası, 28 yaşlı ingilis Hizer Mettyus İbisadakı növbəti istirahətindən qayıdandan sonra İslamı qəbul edib.
Müsəlman olmuş Hizer indi həyatının tam dəyişdiyini deyir:
“Sanki illərlə səhrada ac, susuz gəzəndən sonra buz kimi soyuq suyu olan bulağa rast gəlmişəm. Həyatımın mənası dəyişib, Allaha inam məni bəxtəvər edib. Allahdan savayı kimsədən qorxmadığım üçün ürəyimdə sakitlik, beynimdə sevinc var. Heyfsiləndiyim yeganə məqam indiyədək İslamdan kənar qalmağım, ürəyimdə Allah qorxusunun olmamasıdır”, - Hizer Mettyus deyib.
