Mütəxəssislər 2050-ci ilə qədər xəstəliyin bütün dünyada üç dəfə artacağını proqnozlaşdırırlar.

Nevrologiya Mütəxəssisi xalq arasında demans olaraq bilinən xəstəliyin insanın gündəlik həyat fəaliyyətini müstəqil şəkildə həyata keçirməsini çətinləşdirən, bir çox idrak funksiyalarında qalıcı və irəliləyən pozğunluqlara səbəb olan bir sindrom olduğunu ifadə edib.

Demansın ən çox görülən səbəbinin Alzheimer xəstəliyi olduğuna diqqət çəkən həkim professir Türkel deyib:

 

"Demans xüsusilə 65 yaşdan yuxarı şəxslərdə tez-tez rast gəlinir. Damar demans, Lewy bədən demansı və frontotemporal demans kimi müxtəlif növləri də var. İndiki vaxtda insan ömrü artdıqca demensiya halları da artır. Hesablamalara görə, 2050-ci ilə qədər demensiyanın halları Avropada iki dəfə, bütün dünyada isə üç dəfə artacaq.

Demansın ən bariz əlamətinin yaddaş itkisi olduğunun vurğulayan həkim ancaq yaddaş itkisinin müxtəlif səbəblərdən meydana gələ biləcəyini və yaddaş itkisinin tək başına demans diaqnozu demək olmadığını söyləyib.

 

Professor demansın digər ümumi əlamətlərinin dəyişikliklər, ünsiyyət və dil problemləri, vizual və məkan qabiliyyətlərində çətinlik, əsaslandırma və problem həll etməkdə çətinlik, mürəkkəb tapşırıqları yerinə yetirməkdə çətinlik, planlaşdırmada çətinlik, koordinasiya və motor funksiyalarında çətinlik, çaşqınlıq və oriyentasiya pozğunluğu olduğunu dilə gətirib. 

Alzheimer xəstəliyindən qorunmaq üçün sağlam qidalanmanın, nizamlı yuxunun, stressin azaldılmasının, depressiya və digər sistem xəstəliklərinin müalicəsinin əhəmiyyətinə diqqət çəkən həkim Türkel "Aerobik məşqlərin idrak və düşüncə funksiyalarını artırdığı göstərilib. Sağlam həyat tərzini mənimsəmək beyin sağlamlığını qorumaq üçün vacibdir", - deyə o bildirib.

Demansın müalicəsinin altında yatan səbəbi müəyyən etmək və ona uyğun müalicə etməkdən ibarət olduğunu ifadə edən həkim "Alzheimer Xəstəliyi üçün bəzi dərmanlar mövcuddur və simptomları aradan qaldıra bilər, lakin hazırda xəstəliyi tamamilə müalicə edə biləcək bir dərman yoxdur. Lakin erkən diaqnoz və müvafiq müalicə ilə həyat keyfiyyətini əhəmiyyətli dərəcədə yaxşılaşdırmaq olar", söyləyib.

Demansın fərdlərin və ailələrinin həyat keyfiyyətini əhəmiyyətli dərəcədə təsir edən bir vəziyyət olduğunu ifadə edən Dos. Dr. Türkel açıqlamasını belə tamamlayıb:

"Ona görə də demans haqqında məlumatlılığın artırılması, erkən diaqnozun təmin edilməsi və müvafiq qayğının göstərilməsi böyük əhəmiyyət kəsb edir. Çünki erkən diaqnoz və düzgün müalicə ilə demansın təsirləri azaldıla bilər və həyat keyfiyyəti yaxşılaşa bilər. Həmçinin demensiya ilə yaşayan şəxslərə və onların ailələrinə dəstək olmaq, psixososial və praktiki yardım göstərmək lazımdır”.