Azərbaycanlı müğənni Günel Məhərrəmovanın azxeber.com müsahibəsini təqdim edirik.
- Nə vaxt ailə həyatı qurmusunuz?
- 2010-cu ildə.
-İndi övladınızın neçə yaşı var? Adı nədir?
- Üç yaşı var. Adı Əlidir.
- Adını özünüz qoymusunuz?
- Həm həyat yoldaşımın atasının adıdır,həm də ki,özümün çox sevdiyim addır,İmamızın adıdır,gözəl addır.
- Həyat yoldaşınızla aranızda neçə yaş fərq var?
- İkiyaşfərqimiz var. O məndəniki yaş balacadır.
- Hansı Günel Məhərrəmova bir pillə öndədir? Ana Günel Məhərrəmova yoxsa müğənni?
- Ana. Amma həmçinin mən sənətimi də çox sevirəm.
- Həyat yoldaşınız sənətinizdə sizə dəstək olur?
- Yox,dəstək olmur.Ondan olsamənoxumaram (gülür).
- Deməli qısqancdır?!
- Çox qısqancdır. Hədindən artıq!
- Müsahibə zamanı Günel Məhərrəmovanı hansı sual qıcıqlandırır?
- “Sənətə gəlməyini kimə borclusan?” sualından xoşum gəlmir.
- Həmin sualı versəm cavablandırarsınız?
- Yox (gülür).
- Bəs hansı sualın sizə verilməsini istərdiniz?
- Ümumiyyətlə gözəl,mənalı suallar.
- Neçə albomunuz var?
- Hələ ki,bir albomum var,amma nəzərdə tuturam ki,sentyabr-oktyabr aylarında qəşəng albom çıxardım.
- Albomun adını fikirləşmisiniz?
- Yəqin ki,alboma daxil olan 12 mahnıdan birinin adı olacaq,hələ ki,seçim etməmişəm.
- Sənətinizi sona qədər davam etdirməyi düşünürsünüz?
- Allah izin versə,əlbəttə ki. Nə qədər ki,səsim var, canım sağdı davam etdirəcəyəm. Çünki şərəfli bir sənətdir, gözəl sənətdir.
- Suallarımızı səmimi olaraq cavablandırdığınız üçün təşəkkür edirəm.
- Mən də sizə uğurlar arzulayıram.
Aytən Kərimova
