Hindistanda növbəti zorlama faktı qeydə alınıb.AZXEBER.COM-un Rusiya mətbuatına istinadən verdiyi məlumata görə, bu dəfə zorlanan 5 yaşlı qız olub.Hadisə ölkənin paytaxtı Nyu-Delhi şəhərində baş verib. Həkimlər 5 yaşlı qızın həyatda qalması üçün mübarizə aparırlar. Uşaq olduqca ağır vəziyyətdədir. Onun daxili orqanları olduqca ağır zədələr alıb.Məlumata görə, 5 yaşlı uşaq aprelin 15-də itib və onu iki gündən sonra tapmaq mümkün olub. Ancaq buna baxmayaraq, pedofil uşağı onun valideynləri ilə birgə yaşadığı evdə zorladıqdan sonra bağlı qapılar arxasında ölüm ayağında buraxaraq qaçıb. Uşağın səsini qonşular eşidərək polis çağırıblar və onu xilas edə biliblər. Hadisəni törədən cinayətkarı da artıq saxlamaq mümkün olub.
