Hindistanın Carkhand əyalətində təhlükəsizlik qüvvələri ilə maoçu üsyançılar arasında baş verən toqquşmada 8 üsyançının öldürüldüyü bildirilib.
AZXEBER.COM Türkiyə mətbuatına istinadən xəbər verir ki, bu barədə ANI News məlumat yayıb.
ilkin məlumata görə, meşəlik ərazidə baş verən qarşıdurmada 8 qiyamçı zərərsizləşdirilib.
Təhlükəsizlik qüvvələri əməliyyat zamanı çoxlu sayda silah və partlayıcı maddə ələ keçirib.
Bölgədə əməliyyatlar davam edir.
Qeyd edək ki, Çinin inqilabçı lideri Mao Zedongdan ilhamlanan maoçu üsyançılar 1967-ci ildən bəri Hindistanın şimalında, şərqində və mərkəzində bir çox ştatlarda silahlı əməliyyatlar aparıblar.
Üsyançılar tayfaların və yoxsulların daha çox hüquqları uğrunda mübarizə apardıqlarını iddia ediblər.
Cənubi Asiya Terror Portalının məlumatlarına görə, 1999-cu ildən bəri təhlükəsizlik qüvvələri ilə maoçu üsyançılar arasında baş verən qarşıdurmalarda 8 mini mülki şəxs olmaqla, 14 mindən çox insan həlak olub.
Oksana
