İsrailə qarşı hücumlarını gücləndirən Hizbullah Zevulun bölgəsini bombalayıb.
AZXEBER.COM xarici mətbuata istinadən xəbər verir ki, açıqlamada Livanın cənubundakı Ayta əl-Şaab qəsəbəsi ətrafında İsrail əsgərlərinin də raketlərlə hədəf alındığı, hücumda İsrail əsgərlərinin öldüyü və yaralandığı bildirilib.
Hizbullah Nəbatiyyə şəhərinin Marcayun bölgəsindəki Kefr Kila qəsəbəsi ətrafında bir qrup İsrail əsgərinin hərəkətlərinin müşahidə edildiyini və onların artilleriya hücumu ilə hədəf alındığını qeyd edib.
Hizbullah dünən verdiyi yazılı açıqlamada 23 sentyabrdan bəri Livana hücumlarını artıran İsrailə qarşı gərginliyi artıracaq yeni mərhələyə keçəcəyini açıqlayıb.
Bəyanatda İsrailin Livana qurudan hücumlarının başlamasından bu yana 55 İsrail əsgərinin şəhid olduğu, 500-dən çoxunun yaralandığı, 20 Merkava tankı, 4 hərbi buldozer və 1 zirehli transportyorun, həmçinin 2 Hermes 450 tipli pilotsuz təyyarənin məhv edildiyi bildirilib.
İsrail ordusu sentyabrın 30-da Livanın cənubunda Hizbullahın infrastrukturuna qarşı məhdud və intensiv qurudan hücumlara başladığını əlavə edib.
Qeyd edək ki, Hizbullah lideri Həsən Nəsrullah sentyabrın 27-də İsrail ordusunun Beyruta endirdiyi hava zərbələri nəticəsində öldürülüb.
