Xəbər verdiyimiz kimi, oktyabrın 11-i saat 22 radələrində Ziya Məmmədovun qardaşı Elton Məmmədovun oğlu Aynar Məmmədova məxsus olan, “Şüşəli bazar”ın yanındakı “Nar” kafesini xüsusi təyinatlılar mühasirəyə alıb, içəridəkiləri, o cümlədən kafenin sahibi Aynar Məmmədovu həbs edib. Həbs edilənlər MCQMİ-yə (bandotdel) aparılıb.
Bu barədə Azadlıq qəzeti xəbər yayıb. Məlumatda həbs edilənlər arasında Xəzər rayonun icra başçısının müavini Vaqif Həsənovun oğlunun da olmadı iddia olunur.
Məsələ ilə bağlı Xəzər rayonun icra hakimiyyətinin ictimai-siyasi və humanitar məsələlər üzrə şöbə müdiri Gülbala Qurbanov AZXEBER.COM-a verdiyi açıqlamada sözügedən hadisə ilə bağlı bunları deyib:
“Xəzər rayonun icra başçısının müavini Vaqif Həsənovun oğlu hazırda Lənkəranda N saylı hərbi xidmətdədir. Onun həbs edilməsi ilə bağlı verilən informasiya əsassızdır.”.
