İdris Quliyev jurnalisti döyməklə hədələdi: "Gəlib səni..." — AUDİO (18+)

Ötən gün "Yeni Sabah” saytı Demokrat.az-ın Bütöv Azərbaycan Xalq Cəbhəsi Partiyasının sədri, millət vəkili Qüdrət Həsənquliyevlə bağlı hazırladığı araşdırma materialını dərc edib.

 

Materialın dərcindən sonra İdris Quliyev "Yeni Sabah”ın redaksiyasına zəng edərək söyüşlərindən istifadə edib. Baxmayaraq ki, materialın ilkin mənbəyinin başqa bir media olduğu ona izah edilib, o isə küçə ritorikasına üstünlük verib. Bu vaxta qədər Yenisabah.az-da Q. Həsənquliyevin onlarla açıqlaması, partiya xəbərləri dərc olunub. İndiki halda da qarşı tərəf olaraq onun mövqeyini işıqlandırmağa hazır idik. Əgər materialla bağlı hər hansı iradı və ya cavabı vardısa, buna hüquqşünas olaraq sivil yolla reaksiya verməli idi. Və ən vacibi də bu reaksiya xəbərin ilkin mənbəyinə olmalı idi. Lakin partiya funksionerlərinin küçə söyüşləri ilə yazıya reaksiya verməsi, təhqir və hədə bəlkə də partiya sədrinin materialda səslənən iddiaların qarşısında arqumentsiz olduğunu göstərir. Bütün bununla bərabər bir daha qeyd edirik ki, Q. Həsənquliyevin yazıda səslənən iddialar haqda cavabını dərc etməyə hazırıq.

 

 

Bunu açıqlamasında BAXCP sədrinin müavini Elçin Mirzəbəyli deyib. O, bildirib ki, İ. Quliyev Dairə Seçki Komissiyasında təmsil olunur və Seçki Məcəlləsinin tələbinə uyğun olaraq BAXCP üzvlüyündən çıxıb.

İ. Quliyevin "Yeni Sabah”a zəng edərək BAXCP sədri Qüdrət Həsənquliyevlə bağlı yazıya görə təhqirlər səsləndirməsinə gəldikdə, E. Mirzəbəyli deyib ki, bunu o təəssübkeş kimi edib: 

"Amma bu formada təəssübkeşliyi biz nə partiya olaraq, nə də mən vətəndaş olaraq qəbul etmirik. Nəinki jurnalistə, heç bir şəxsə qarşı təhqir səsləndirmək qəbulolunmazdır. 

Mediada yayılmış xəbərdə təqdim olunanların həqiqət və yalan olmasından asılı olmayaraq, söyüş və təhqirlə cavab verilməsi doğru yanaşma deyil. Mən də jurnalist olaraq belə bir davranışı pisləyirəm”.

/// yenisabah.az