Ramazanda uzunmüddətli aclıqdan sonra iftar zamanı düzgün qidalanma sağlamlıq üçün vacibdir. Həkimlər tələsik və ağır yeməklərin həzm problemləri və halsızlıq yarada biləcəyini bildirirlər.
AZXEBER.COM xəbər verir ki, orucu qazlı və şəkərli içkilərlə açmaq tövsiyə edilmir.
Mütəxəssislər iftara su və ya xurma ilə başlamağı məsləhət görürlər. Eyni zamanda, birdən-birə böyük porsiya yemək əvəzinə qidalanmanı mərhələli şəkildə - əvvəl şorba və yüngül yeməklər, sonra əsas yemək kimi davam etdirmək daha faydalıdır.
Yağlı, qızartma və çoxlu xəmir məmulatları mədə problemləri və çəki artımına səbəb ola bilər. Şirniyyatların isə iftardan 1-2 saat sonra yeyilməsi tövsiyə olunur.
Həkimlər iftarla imsak arasında kifayət qədər su içməyin vacibliyini vurğulayır, kofeinli içkilərin isə maye itkisini artıra biləcəyini qeyd edirlər.
