Şimali Koreya iki ölkə arasında istifadə olunmayan yolları partlatmağa hazırlaşır.
AZXEBER.COM Cənubi Koreyanın "Yonhap" xəbər agentliyinə istinadən xəbər verir ki, bu barədə Cənubi Koreya Ordusunun Baş Qərargah rəisi Li Sunq Cun açıqlama verib.
Li bildirib ki, Şimali Koreya ölkənin şimalında istifadə olunmayan "koreyalararası” yollarda monitorlar quraşdırıb.
Li Şimali Koreyanın kosmik raket buraxılış sınağı keçirə biləcəyini də bəyan edib və qeyd edib ki, Pxenyan administrasiyası Seul administrasiyasına "təzyiqləri artırmaq üçün kiçik təxribatlara” əl ata bilər.
Şimali Koreya Xalq Ordusundan verilən açıqlamada, "əsas düşmən dövlət” olaraq təyin etdiyi Cənubi Koreya ilə quru və dəmir yolu əlaqələrinin kəsiləcəyi açıqlanıb və "Ordumuzun daimi kəsilməsi və bağlanması Sərhəd hazırkı vəziyyətdə müharibənin qarşısını almaq və ölkənin təhlükəsizliyini təmin etmək üçün özünümüdafiə tədbiridir”, - deyə açıqlamada qeyd edilib.
Cənubi Koreyanın Birləşmə Nazirliyi Şimali Koreyanın bu qərarını qətiyyətlə pisləyib.
Dünən Şimali Koreyanın cənub sərhədindəki artilleriya bölmələrinə Cənubi Koreyadan gələn pilotsuz uçuş aparatlarını (PUA) atəşə tutmağı əmr etdiyi bildirilib.
Mikayıl
