AZXEBER.COM-un xarici mətbuata istinadən verdiyi məlumata görə, cütlüyün nigahı bu gün səhər saatlarında şəhərin Bandra ərazisindəki Xan sarayında rəsmiləşdirilib. Paparatsilər tərəfindən Seyfina (Saifeena) adlandırılan məşhur cütlük Bollivudun ilk cütlüyü kimi tanınır.Seyf Əli Xan Hindistanın keçmiş kriket kapitanı Mansur Əli Xanın və aktrisa Şarmila Taqorun oğludur. Karina Kapur isə keçmiş aktyor və rejissor Rac Kapurun nəvəsi, aktyor Rişi Kapurun qardaşı qızıdır. Onun hər iki valideyni və böyük bacısı da kino sahəsində çalışır.Qeyd edək ki, bu, 42 yaşlı aktyor Seyf Əlinin ikinci nigahıdır. Onun aktrisa Armita Sinqx ilə ilk evlilikdən iki övladı var. 32 yaşlı Karina Kapur isə nigah masasına ilk dəfə əyləşir.