Bakıda iki vətəndaş hündürmərtəbəli binanın damına çıxaraq özünü atmağa cəhd edib.
Fövqəladə Hallar Nazirliyindən verilən məlumata görə, Yasmal rayonunda 2 nəfərin intihar məqsədilə tikilməkdə olan onaltımərtəbəli binanın damına çıxması barədə məlumat daxil olub.
Nazirliyin müvafiq xilasetmə qüvvələri hadisə yerinə cəlb olunub. Xilasedicilər və hüquq mühafizə orqanlarının əməkdaşları ilə birlikdə vətəndaşlarla aparılan psixoloji söhbət nəticəsində intihara cəhdin qarşısı alınıb. İntihara cəhd edən şəxslar aidiyyəti üzrə təhvil verilib.
Əməliyyat saat 07:39-da başa çatıb.
///Qafqazinfo
