"Qızım böyüyəcək, mən işimə davam edəcəyəm, hər birimiz həyatımızı yaşayacağıq. Amma Azərin xatirəsi hər zaman bizimlə olacaq".
AZXEBER.COM xəbər verir ki, bunu "Xəzər axşamı"na açıqlamasında mərhum aktyor Azər Baxşəliyevin həyat yoldaşı Nigar Baxşəliyeva deyib.
O, Azərin yoxluğu ilə barışa bilmədiyini bildirib:
"İlk dəfədir sevgililər günündə o mənə yox, mən ona gül alacağam. Gül verməyi çox sevirdi. Bayramları qeyd edəndə, arxamca harasa gələndə, hər görüşdə mənə bir dənə belə olsa qızılgül alardı.İndi bayramlar ona görə mənim üçün çox ağır gəlir. Bir neçə özəl əşyası və geyimləri var ki, onu saxlamışam özüm istifadə edəcəyəm. Onun yoxluğu ilə barışa bilmirəm. Nəinki mən, hətta dostları da, ailəsi də. Mən onu necə unuda bilərəm? Hər yerdə onun xatirələri var. Hər işə gedəndə onunla ilk dəfə görüşdüyüm yerdən mütləq keçirəm".
Aysel
