Türkiyədə sosial şəbəkələrdə təxribat xarakterli paylaşımlarla əlaqədar 261 şübhəli şəxs müəyyən edilib.
AZXEBER.COM "Report"a istinadən xəbər verir ki, bu barədə Türkiyənin daxili işlər naziri Əli Yerlikaya açıqlama yayıb.
O bildirib ki, 261 nəfərdən 37-si tutulub:
"İstanbul Respublika Baş Prokurorluğunun başlatdığı araşdırmalar çərçivəsində bəzi sosial media hesabları vasitəsilə İstanbul Böyükşəhər Bələdiyyə sədri da daxil olmaqla cəmi 106 şübhəli haqqında həbs qərarı çıxarıldıqdan sonra sosial şəbəkələrdə "ictimaiyyəti nifrət və düşmənçiliyə sövq etmək” və "Cinayətə təhrik” cinayəti çərçivəsində təxribat xarakterli yazıların hazırlandığı müəyyən edilib. Həmin paylaşımların 62-si xaricdə olmaqla ümumilikdə 261 şübhəli hesabın etdiyi müəyyən edilib. Kibercinayətkarlıqla Mübarizə Departamentimiz və Təhlükəsizlik Departamentimizin koordinasiyalı işindən sonra 37 şübhəli tutuldu və digər şübhəlilərin tutulması istiqamətində işlər davam etdirilir".
