Bəlli olduğu kimi, Azərbaycanda taksi fəaliyyəti ilə məşğul olan sürücülər üçün Dövlət İmtahan Mərkəzi tərəfindən mütəmadi imtahanlar keçirilir.
Lakin imtahanların keçirildiyi ərazidəki parklanma problemi həmin ərazidə yaşayan sakinləri narahat edir.
İmtahan günlərində yüzlərlə sürücü şəxsi avtomobilləri ilə imtahan binası yerləşən əraziyə gəlsələr də, parklanma yerləri tapmadıqlarından məcburi yaşayış binalarının qarşısında avtomobillərini parkinq edirlər.
Bu, təbii ki, həm taksi fəaliyyəti ilə məşğul olan sürücülərin, həm də DİM-in ciddi nöqsanlarından biridir.
Məsələ ilə əlaqədar sakinlərdən biri AZXEBER.COM-un qaynar xəttinə şikayət xarakterli video ünvanlayıb.
Görüntüdə aydın olur ki, sakin evinin qarşısında parkinq problemi yaşayır. Hətta hər binanın qarşısında demək olar ki, hərəkət məhdudiyyəti yaranır.
Eyni zamanda, imtahana gələn bəzi sürücülər yolu belə bağlayırlar.
Yaranmış xaotik vəziyyətlə əlaqədar Dövlət İmtahan Mərkəzindən rəsmi açıqlama gözləyirik.
Həmin videonu təqdim edirik:
Mikayıl Mirzəzadə
