Çinin Vaşinqtondakı səfirliyi ABŞ prezidenti Donald Trampın Çinə tətbiq edilən gömrük rüsumlarını qaldırmasına münasibət bildirib.
AZXEBER.COM xarici mətbuata istinadən xəbər verir ki, Trampın Çinə tətbiq edilən gömrük tarifi 10%-dən 20%-ə qaldırdıqdan sonra Çinin Vaşinqtondakı səfirliyinin X hesabından yazılı açıqlama verilib.
Çin Xarici İşlər Nazirliyinin sözçüsü Lin Cien-in Vaşinqtonun addımı ilə bağlı sözlərini təkrar paylaşan bəyanatda bu ifadələr yer alıb:
"Əgər Birləşmiş Ştatlar həqiqətən də fentanil problemini həll etmək istəyirsə, o zaman ediləcək ən doğru şey Çinlə məsləhətləşmək, bir-birinə bərabər davranmaqdır. Əgər ABŞ-nin istədiyi müharibədirsə, istər tarif müharibəsi, istər ticarət müharibəsi və ya hər hansı başqa bir müharibə növü olsun, biz sona qədər mübarizə aparmağa hazırıq".
Gülay
