İtaliyada son zamanlar çox məşhur olan qəsəbələr də şəhərlər qədər gündəmdədir. Bir avroya satılan qəzalı evlərdən tutmuş aşağı qiymətə istifadəyə hazır evlərə qədər yaşayış məntəqələri arasında kəskin rəqabət var.
AZXEBER.COM xarici mediaya istinadən xəbər verir ki, İtaliyanın cənubunda yerləşən tarixi Presicce qəsəbəsi yeni sakinlərinə 30 min avroya (təxminən 52200 manat) qədər pul ödəyəcək.
Müqavilə çərçivəsində satışa çıxarılan evlərin qiymətlərinin isə təxminən 25 min avrodan başlaması bu təklifi çox cəlbedici edir. İtaliyada satılan digər ucuz mülklər kimi, onlar da çoxdan öz ilk sahibləri tərəfindən tərk edilib.
Bununla belə, Presicce İtaliyanın cənub ucunda Salento bölgəsinin təbiəti ilə əhatə olunmuş və Santa Maria di Leucanın qumlu çimərlikləri və firuzəyi təmiz sularına yaxın yerləşməsi ilə də seçilir.
Aydın
