Mədəniyyət Naziri Adil Kərimli AZDRAMA -nın kollektivi ilə görüşüb.
AZXEBER.COM xəbər verir ki, bu haqda Əməkdar artist Mehriban Xanlarova məlumat verib.
Aktrisa, nazirlə olan səmimi görüşə görə ona təşəkkürünü bildirib və problemlərin tezliklə həll yolunu tapacağına ümid bəslədiyini deyib:
"Mədəniyyət Naziri Adil Kərimli teatrımızın kollektivi ilə görüşdü. Təklif və şikayətlərimizə diqqətlə qulaq asaraq, fikirlərimizə hörmətlə, həssaslıqla yanaşdı. İnanırıq ki, bu görüşün nəticəsi yaxşı olacaq. Haqq səsimizin duyulmasında yanımızda olan bütün media nümayəndələrinə və haqsızlığa qarşı susmayan, göz yunmayan hər kəsə sonsuz təşəkkürlərimi bildirirəm. Əziz həmkarım Münəvvər Əliyeva ilə apardığımız mübarizə, yaddaşlarda qalacaq. Biz, sarsılmaz bir dostluğun tarixini yazdıq. Bu dostluq dürüstlüyün, cəsarətin və birliyin təmsilçisi oldu" deyə aktrisa paylaşımında bildirib.
Aysel
