Mahsun Kırmızıgül sosial media paylaşımında rəqəmsal musiqi platformalarında saxta dinləmələrin yaratdığı süni populyarlığı sərt şəkildə tənqid edib.
AZXEBER.COM Türkiyə mətbuatına istinadən xəbər verir ki, o, musiqi dünyasının süni və manipulyasiya edilmiş alqoritmlərin əlinə keçdiyini və əsl istedadı görünməz hala gətirdiyini bildirib.
Kırmızıgül çıxışında bildirib:
"Süni hesablar vasitəsilə istedadsız sənətçilərə milyonlarla saxta dinləmə təmin etmək artıq uşaq oyuncağıdır. Əsl sənətçilər əziyyət çəkirlər. "Spotify" və "YouTub"e bu çürük və vicdansız sistemi dayandırmalıdır.”
O, 30 saniyəlik dinləmələrin "Spotify" və "YouTube"da etibarlı hesab edilməsinin milyonlarla saxta dinləmənin istehsalına gətirib çıxardığını və bu üsullarla dünya siyahılarına girmək şansının da şoxaldığını bildirib.
"İncəsənət süni baxşlarla deyil, insanların səsi ilə yaşayır. Musiqi aldatma ilə deyil, zəhmətlə böyüyür” , deyə Kırmızıgül qeyd edib.
Aysel
