İngiltərə Almaniyanın Leypsiq-Halle hava limanında partlayıcı qurğu ehtiva etdiyi ehtimal edilən pilotsuz uçuş aparatının (PUA) aşkarlanması ilə bağlı Rusiyanın Londondakı səfirliyinin müvəqqəti işlər vəkilini Xarici İşlər Nazirliyinə çağırıb.
AZXEBER.COM xarici mətbuata istinadən xəbər verir ki, bu barədə İngiltərə Xarici İşlər Nazirliyinin sözçüsü açıqlama yayıb.
Açıqlamada İngiltərənin Leypsiqdəki hava limanına yönəlmiş olduğu bildirilən hadisə ilə bağlı Almaniya ilə tam həmrəy olduğu vurğulanıb.
Bildirilib ki, NATO müttəfiqlərinə və Ukraynaya göstərilən dəstək dəyişməz olaraq qalır:
"Rusiyanın birliyimizi pozmağa yönəlmiş hücumları nəticəsiz qalacaq. Bu, Rusiya dövlətinin ümumi təhlükəsizliyimizi açıq şəkildə hədəfə alan son hücumudur”.
İngiltərə XİN-in açıqlamasında Rusiyanın Londondakı səfirliyinin müvəqqəti işlər vəkilinin nazirliyə çağırıldığı və hadisənin qətiyyətlə pisləndiyi qeyd olunub.
Bildirilib ki, İngiltərə Avropadakı və NATO-dakı müttəfiqləri ilə birlikdə Rusiyanın aqressiv addımlarını bütün səviyyələrdə ifşa etməyə davam edəcək.
Gülay
