Əməkdar artist Dilarə Əliyeva ötən gün beyninə qan sızması nəticəsində reanimasiyaya yerləşdirilən qardaşı, tanınmış aktyor Vüsal Murtuzəliyevin vəziyyəti ilə bağlı danışıb.
Aktrisa AZXEBER.COM-a açıqlamasında qardaşının səhhətinin yaxşılığa doğru irəlilədiyini bildirib:
"Vüsalın hər zaman yüksək təzyiqi olur. Zamanında dərman qəbul etməlidir. Düşünüb ki, dərman içməsə, bir şey olmaz və bu da ağır nəticə verib. Allaha çox şükürlər olsun ki, vəziyyəti artıq yaxşıdır. Şansımız onda gətirib ki, tez bilmişik və xəstəxanaya vaxtında çatdırmışıq. Həkimlərimizə təşəkkür edirik ki, zamanında müdaxilə etdilər. İndi sadəcə bir müddət müşahidə altında qalmalıdır və dincəlməlidir".
Qeyd edək ki, Vüsal Murtuzəliyevin vəziyyətinin ağır olduğu xəbərləri yayılmışdı. Lakin ailəsi məlumatları təkzib edərək, hazırda hər şeyin nəzarət altında olduğunu bildirib.
Aysel Hacızadə
