Azərbaycan Respublikasının Qeyri-Hökümət Təşkilatlarına Dövlət Dəstəyi Agentliyinin maliyyələşdirdiyi "Gələcək Gənclərlə Gələcək” - 3G İntellektual İstedadın kəşf olunması - layihəsi çərçivəsində Şəmkir, Gədəbəy və Göygöl rayonlarında tədbirlər davam edir.Layihənin əsas ideyası, məzmun və məqsədi Şəmkir, Gədəbəy, Göygöl rayonlarında İstedadlı uşaq və gənclərin sorğu aparılması vasitəsilə müəyyənləşdirilməsi, bu istiqamətdə irəli sürülən təşəbbüslərin dəstəklənməsidir.
Layihənin ideyasının əsas hədəflərindən biri də, istedadlı uşaq və gənclərin inkişafında Azərbaycançılıq ideyasının təbliğidir.Layihənin icra planına uyğun olaraq Şəmkir, Gədəbəy və Göygöl rayonlarında 12-18 yaşlı uşaqlar arasında istedadların üzə çıxarılması məqsədilə sorğular aparılıb. Həmçinin isredadlı uşaqların inkişafı üçün dəstəkləyici mühitin formalaşdırılması məqsədilə şagirdlərə və onlarla işləyəcək pedoqoji heyətə konstruktiv təlimlər keçirilib. Təlimdə istedadlı uşaqlara yanaşma, bu istiqamətdə metodologiya və istedadın inkişafının davamlılığı mövzusunhda ətraflı məlumat verilib. Təlim və sorğular iştirakçılar tərəfindən maraqla qarşılanıb, layihənin əhəmiyyətliliyi və önəmi yüksək qiymətləndirilib. Həmçinin, iştirakçılar layihənini davamlılığının təmin olunmasının vacibliyini, bu məqsədlə davamlı mentor xidmətlərinin, pedoqoji-sosial dəstəyin təmin edilməsinin vacibliyini vurğulayıblar.
