“Barselona”nın yarımmüdafiəçisi Andres İnyesta komanda yoldaşı Lionel Messi ilə bağlı fikirlərini açıqlayıb.

FİFA-nın saytına açıqlamasında o , argentinalı ulduzun yüksək səviyyədə formada olmasını komandadakı durumdan irəli gəldiyini deyib.

“Komandanın yaxşı durumda olması üçün bütün futbolçuların öz potensiallarını ortaya qoyması mütləq şərtdir. “Barselona” təkcə Messidən ibarət deyil. “Barselona” Leo oynayarkən yaxşıdır, Leo isə “Barselona” ilə daha yaxşıdır. Futbol fərdi idman növü deyil. Burada hər kəs öz istedadını birləşdirməlidir” – deyə İnyesta vurğulayıb.

İnyestanın sözlərinə görə, onun özünə də komanda yoldaşlarının çox böyük faydası dəyir: “Mən Messi meydanda daha yaxşı oynayıram. Hamımız bir-birimizə kömək edirik. Bu, artıq komanda işidir”.