Apple iPhone 14 Pro və iPhone 14 Pro Max modellərinin ekranlarında görünən üfüqi xətt problemi ilə bağlı açıqlama verib.
AZXEBER.COM xarici mediaya istinadən xəbər verir ki, Apple-ın keçən sentyabr ayında təqdim etdiyi iPhone 14 seriyası satışlarda şirkəti güldürsə də, zaman zaman bəzi problemlər yaranır.
Apple-ın ən iddialı və ən bahalı modellərindən biri olan iPhone 14 Pro istifadəçiləri indi yeni problemlə üzləşirlər.
Android telefonlarında tez-tez yaşanan yaşıl və üfüqi xətt problemi son zamanlarda bəzi iPhone 14 Pro modellərində görünməyə başlayıb.
Həm iPhone 14 Pro, həm də iPhone 14 Pro Max istifadəçiləri telefonu açdıqda ekranda yanıb-sönən yaşıl xətlərin olduğunu bildiriblər.
Apple ortaya çıxan ekran xətləri ilə bağlı açıqlama yayıb. Şirkətin açıqlamasında, problemin həlli üçün bir yeniləmənin işlədiyi bildirilərkən, bu xətlərin displey drayverlərindəki problemə görə meydana gəldiyi deyilib.
Problemlə üzləşən istifadəçilər iPhone-u zavod parametrlərinə qaytara və ya Həmişə Ekranda olan funksiyanı söndürə bilərlər.
Qeyd edək ki, istehsal olunandan bir müddət sonra iPhone 14 Pro modellərində kamera problemi var idi və problem yeniləmə ilə aradan qaldırılıb.
Mikayıl
