“Apple” şirkətinin bu ilin sentyabr ayında satışa çıxarmağı planlaşdırdığı iPhone 6 telefonu ilə bağlı iddialar davam edir.
AZXEBER.COM Türkiyə mətbuatına istinadən xəbər verir ki, bu dəfəki iddia isə bu telefonlarda iPhonenin bütün modellərində olan söndürüb-yandırma düyməsinin olmayacağı ilə bağlıdır.
2007-ci ildə “Apple” şirkətinin ilk iPhone telefonları istehsal etdiyindən bəri bütün modellərdə istifadə formaları, düymələri eyni qalıb. Amma artıq iPhone 6-da bu xüsusiyyətlərin dəyişdiriləcəyi deyilir.
iPhone 6-da yandırıb söndürmə düyməsinin yerinə daha fərqli bir sistemdən, sensor ekran üzərindən istifadə ya da LG Konck Code-unda olduğu kimi ekrana vurma hərəkətindən istifadə olunacaq.
Eyni zamanda, “Apple” şirkətinin iPhone 6-nın ölçüsünü də böyüdəcəyi iddialar arasındadır. İddiaya görə, bu model 4,7 və 5,5 düym olacaq.
