İranın hərbi rəhbərləri Yaxın Şərq regionunda vəziyyətin gərginləşməsi fonunda ölkənin müdafiə qabiliyyətinin gücləndirilməsi barədə daha çox danışmağa başlayıblar.
Bu barədə "Mehr” informasiya agentliyi məlumat yayıb.
Belə ki, İran Silahlı Qüvvələrinin Baş Qərargah rəisi Məhəmməd Baqiri ölkənin müdafiə qabiliyyətinin və qoşunların əməliyyat hazırlığının artırılması məqsədilə silsilə hərbi təlimlərin keçirilməsi barədə sərəncam verib.
İslam İnqilabı Keşikçiləri Korpusunun "Qüds" xüsusi bölməsinin komandanı briqada generalı İsmayıl Qaani bildirib ki, nüvə proqramı ilə bağlı danışıqlar artıq İranın öz hərbi gücünü möhkəmləndirməsi üçün çəkindirici amil deyil.
İslam İnqilabı Keşikçiləri Korpusunun komandanı general-mayor Hüseyn Salami isə qeyd edib ki, İran İsrailin istənilən hücumuna bu dəfə 2024-ci ilin aprel və oktyabr aylarında İsrailə endirdiyi zərbələrlə müqayisədə daha güclü cavab verəcək.
İran təhlükəsizlik xidmətlərinin adı açıqlanmayan yüksək rütbəli nümayəndəsi "Press TV”yə bildirib ki, İranın döyüş hazırlığı ən yüksək səviyyədədir və əgər ABŞ və ya İsrail hücum etməyə cəhd göstərsə, onlar "qəfil yaxalanacaqlar".
O qeyd edib ki, ABŞ-nin öz heyətini regiondan qismən təxliyə etməsi İranla bağlı hadisələrin narahatedici inkişafı deyil, əksinə, Tehranın İrana hücum ediləcəyi təqdirdə ABŞ bazalarına və digər obyektlərə zərbələrlə cavab verəcəyi barədə xəbərdarlıqlarının nəticəsidir.
Mənbə əmin edib ki, İsrailin ələ keçirilmiş məxfi sənədləri İranın müdafiəsini gücləndirib. O əlavə edib ki, ABŞ-nin "döyüş meydanında praktiki təşəbbüsü yoxdur" və Vaşinqton psixoloji müharibə metodlarına güvənir.
///report
