İran həbs olunan şairləri cinayətdə ittiham etdi

Azərbaycan XİN-in mətbuat xidmətinin rəhbəri Elman Abdullayev APA-ya açıqlamasında bildirib ki, İran XİN öz cavab notasında F. Hüseyn və Ş. Hacızadənin “cinayət törətmək cəhdinə görə” həbs olunduqlarını açıqlayıb: “Azərbaycanın Təbrizdəki Baş Konsulluğu isə öz növbəsində cavab notası göndərərək Azərbaycan vətəndaşları, onların həbsi və harada saxlanıldıqları haqda niyə bu qədər gec informasiya verilməsini aydınlaşdırmaq istəyib. Konsulluq İran tərəfindən tezliklə F. Hüseyn və Ş. Hacızadə ilə görüş üçün şərait yaradılmasını da xahiş edib”.E. Abdullayev qeyd edib ki, Azərbaycan vətəndaşları haqda məlumat alınması və onların təhlükəsizliyi Azərbaycanın xaricdəki diplomatik missiyalarının prioritet vəzifəsidir: “Ona görə də diplomatlarımız bizim vətəndaşlarla görüşməli, onların durumu və saxlanma şəraiti ilə tanış olmalı və həbs barədə daha detallı informasiya almalıdır”.