Novruz bayramı ilə əlaqədar şəhərlərarası yollarda hərəkətin artdığı İranda son 14 gündə baş verən yol qəzalarında 550-dən çox insanın həyatını itirdiyi açıqlanıb.
Bu haqda İran Polisinin Trafik Şöbəsinin müdiri Əhməd Keremiesed məlumat verib.
"Təəssüf ki, bu səhərə qədər (15-29 mart tarixləri arasında) 550-dən çox vətəndaşımız yol qəzalarında həyatını itirdi. Eyni zamanda, bu müddət ərzində 13 300-dən çox insan xəsarət alıb”, - o qeyd edib.
İran rəsmisi şəhərlərarası yollarda hər gün bir milyondan çox sürət pozuntusunun qeydə alındığını və qəzaların əksəriyyətinin ehtiyatsızlıq və səhv ötmə kimi səbəblərdən baş verdiyini bildirib.
Qeyd edək ki, İranda Novruz bayramı ilə əlaqədar 4 günlük dövlət tətili var.
///Qafqazinfo
